ધારાસભ્યની દોડતી કારનું ટાયર ફાટ્યું !

પૂરપાટ ઝડપે કાર હાઈવે પરથી પસાર થઈ રહી હોય અને ટાયર ફાટે તો કેવું થાય? આ સવાલનો જવાબ આપતી ઘટના CCTV કેમેરામાં કેદ થઈ છે. ઉત્તરપ્રદેશના બુલંદશહેરના ગંગા એક્સપ્રેસ પરથી પસાર થતી એક ફોર્ચ્યૂનર કારને અકસ્માત નડ્યો. વરસાદી માહોલ વચ્ચેથી જ્યારે આ મોંઘીદાટ કાર પૂરપાટ ઝડપી પસાર થઈ રહી હતી, ત્યારે અચાનક તેનું ટાયર ફાટે છે અને કાર બેકાબૂ બનીને રસ્તાના કિનારે રહેલ એક થાંભલા સાથે ટકરાય છે. નવાઈની બાબત એ છે કે આ કાર ડિબાઈના ધારાસભ્ય ચંદ્રપાલસિંહ લોધીની કાર હતી અને તેઓ ખુદ આ કારમાં સવાર હતા. જો કે બનાવ અંગેની જાણ થતાં જ પોલીસ ઘટના સ્થળે પહોંચી અને રેસ્ક્યૂ કર્યું હતું. પ્રાથમિક જાણકારી પ્રમાણે નેતાજી સહિત 2 લોકો ઈજાગ્રસ્ત થયાં છે. ધારાસભ્ય જ્યારે લખનૌથી ગાઝિયાબાદ પરત જઈ રહ્યા હતા ત્યારે આ દુર્ઘટના સર્જાઈ હતી.